Schillers Geburdshaus
Kennziffor: 05
En dor Niklastorschdroß Nr. oisadreißig schdohd onser beriemdeschdes Haus, wemm`r des dem uff dor erschd Blick au ned a`seha duad. Do hod dui Familie Schiller mid ihrem schbäder weldberiehmda Buaba em Paterre en Mieade g`wohnd. Ned bloß reiche Leid hend sodde Kender, wiea mor daran seha duad.
No vor honderdfufzig Johr, dor Schiller war domols scho überall bekannd, hod a Bildungstourischd, sodde hod do au scho gäba, koi Mebelschdigg, koi Babierle, nix hod der en derra Wohnung meh vom Schiller g`fonda. No wars Zeid worra, dass älles gsuachd hod, od`r?
Ond och woiß mor aus seim Vadder seiner „ Lebensgschichd“: 1759, am zehnda November sei sei Sohn Johann Christph Friederich hier en Marbach gebora worda.
Zu Schillers honderschda Geburdsdag, also 1859, hod dor Schillerverei dui Gedenkschdäd ei`grichded ond seid 1994/ 95 isch dui Ausschdellung so wiea se isch. Jetzed kosch aus dene ausgschdellde Sacha seine Lebensschdationa nochganga ond sogar middama Drickfilm sei ganz Leba seha. Gang hald mol nei!